Овқатланиш гигиенаси

Ушбу монография инсон организмидаги ҳаётий жараёнлар, инсон соғлом пайтида қандай кўринишда содир этади ва аксинча, носоғлом бўлганда қандай ўзгаришлар содир бўлиши ҳақида. Инсон организмининг меъёрий ҳаракатлари мунтазам давом этиши учун унга энергия (қувват) керак. Инсон энергияни озуқа маҳсулотларидан олади. Маълумки, инсонлар ва барча жонзотлар истеъмол қиладиган озуқа моддалари табиатда фотосинтез жараёнлари натижасида шакли ўзгариб, озуқа моддалари кўринишга келган қуёш нурларидир. Озуқа моддалари инсон организмида тизимли равишда бўлиб ўтадиган кўплаб миқдордаги ферментация жараёнларида таркибий қисмларга парчаланиб, бир қисми янги ҳужайралар ҳосил бўлиши, ривожланиши учун моддий субстрат ҳолатида ҳужайралар томонидан ўзлаштирилади.